HEALTH AWARENESS

 خارش (Scabies) کیا ہے؟

خارش یا Scabies ایک عام مگر تکلیف دہ جلدی بیماری ہے جو ایک خوردبینی جاندار Sarcoptes scabiei نامی پیراسائٹ (جلدی جوؤں) سے پھیلتی ہے۔ یہ پیراسائٹ انسانی جلد کے اندر گھس کر سرنگیں بناتا ہے اور انہی سرنگوں میں فضلات خارج کرتا ہے۔ مادہ پیراسائٹ ان سرنگوں میں انڈے دیتی ہے، جن سے جلد پر چھوٹے دانے، چھالے اور شدید خارش پیدا ہوتی ہے۔ انڈوں اور فضلات سے الرجی ہونے کے باعث خارش بہت زیادہ اور ناقابل برداشت ہو سکتی ہے۔ اگر گھر میں کسی ایک فرد کو خارش ہو جائے تو یہ آسانی سے پورے گھر میں پھیل سکتی ہے۔

علامات

Scabies کی سب سے پہلی علامت شدید خارش ہوتی ہے، جو اکثر رات کے وقت اور گرم ماحول میں زیادہ بڑھ جاتی ہے۔ اس کے بعد جلد پر سرخ دانے، چھوٹے چھالے (bumps or blisters) اور خارش سے متاثرہ جگہوں پر کھردرا پن، خراشیں اور چھلکے جیسی جلد پیدا ہو جاتی ہے۔

چھوٹے بچوں میں خارش کی علامات تھوڑی مختلف ہو سکتی ہیں جیسے چڑچڑاپن، رونا، اور دودھ پینے سے انکار۔

خارش جسم کے کسی بھی حصے میں ہو سکتی ہے، لیکن زیادہ تر یہ درج ذیل جگہوں پر ظاہر ہوتی ہے:

ہاتھوں اور پاؤں کی انگلیوں کے درمیان

کلائی کے اندرونی حصے

بازوؤں کے اندرونی طرف

کمر کے نچلے حصے

عام طور پر انفیکشن کے 2 سے 3 ہفتے بعد مکمل علامات ظاہر ہوتی ہیں۔

سکیبیز کیسے پھیلتا ہے؟

یہ پیراسائٹ کپڑوں، چادروں اور تولیوں میں 2 سے 3 دن تک زندہ رہ سکتا ہے۔ اس لیے متاثرہ شخص کے زیر استعمال بستر، کپڑے، اور دیگر ذاتی اشیاء سے یہ دوسروں میں منتقل ہو سکتا ہے۔ اس کے علاوہ قریبی جسمانی رابطے جیسے گلے ملنا، ہاتھ ملانا یا ساتھ بیٹھنا بھی اس بیماری کو پھیلانے کا ذریعہ بن سکتا ہے۔

:تشخیص

ڈاکٹر مریض کی علامات اور جلد پر موجود دانوں کی نوعیت سے مرض کی تشخیص کرتے ہیں۔ بعض اوقات جلد کے متاثرہ حصے کا نمونہ لے کر مائیکروسکوپ کے ذریعے پیراسائٹ یا اس کے انڈوں کی شناخت کی جاتی ہے۔

:علاج

تشخیص کے بعد ڈاکٹر مخصوص کریم یا لوشن تجویز کرتے ہیں، جو پورے جسم پر (گردن سے نیچے) لگا کر کم از کم 8 سے 12 گھنٹے تک رکھا جاتا ہے تاکہ پیراسائٹ ختم ہو جائے۔ اس کے بعد مریض کو گرم پانی اور صابن سے اچھی طرح نہانا چاہیے۔ ساتھ ہی چادریں، بستر، کپڑے، اور تولیے بھی گرم پانی سے دھوئے جائیں۔

چونکہ یہ بیماری آسانی سے پھیلتی ہے، اس لیے گھر کے تمام افراد کا بیک وقت علاج کرنا ض

روری ہوتا ہے، چاہے کسی میں علامات ظاہر ہوئی ہوں یا نہیں، کیونکہ علامات ظاہر ہونے میں وقت لگ سکتا ہے۔ #foryoupage #viral #foryou #healthcare #scabies